Ku paraqitet më e vështirë situata me zjarret në Shqipëri?
Autoritetet raportojnë dhjetëra vatra zjarri në vend dhe rajon gjatë fundjavës, ndërsa puna në terren vazhdon për monitorimin dhe shuarjen e tyre.
TIRANË — Shqipëria po përballet me disa vatra zjarri gjatë kësaj fundjave, ku situata më e vështirë sipas autoriteteve paraqitet në zonat e Lezhës dhe të Tropojës. Ndonëse autoritetet njoftojnë se situata është nën kontroll, forcat zjarrfikëse dhe shërbimet e emergjencës po vazhdojnë punën për shuarjen dhe monitorimin e vatrave aktive.
Ndërkohë, rajoni po përballet me situatë të ngjashme, ku në Greqi shpërthyen zjarre pyjore në ishullin Evia duke sjellë urdhër evakuimi. Në Maqedoninë e Veriut, Qendra për Menaxhim me Kriza regjistroi dhjetëra raste, prej të cilave nëntë u shuan plotësisht, ndërsa zjarri në Haraçinë mbetet ende aktiv.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.