Anthony Joshua bën shqiponjën me Kristian Prengën — ndeshen të shtunën
Përballja mes boksierit shqiptar dhe ish-kampionit të botës zhvillohet të shtunën në arenën Jeddah Superdome të Arabisë Saudite.
XHEDAH — Boksieri shqiptar Kristian Prenga dhe ish-kampioni i botës në peshat e rënda, Anthony Joshua, kanë krijuar së bashku simbolin e shqiponjës dykrenare para duelit të tyre të madh. Në fotografitë e publikuara në rrjetet sociale, dy sportistët janë parë krahë njëri-tjetrit duke bashkuar duart për të bërë gjestin simbolik shqiptar.
Ky takim dhe gjest miqësor vjen para përballjes së tyre zyrtare, e cila do të zhvillohet të shtunën, më 25 korrik 2026, në arenën “Jeddah Superdome” në Arabinë Saudite. Kjo arenë e njohur ndërkombëtarisht ka pritur disa nga duelet më të rëndësishme të boksit botëror në vitet e fundit.
Për Prengën, i cili njihet si luftëtar agresiv në ring, ky duel përfaqëson sfidën më të madhe të karrierës së tij profesionale. Ndërkohë, britaniku Joshua, i cili më parë ka mbajtur titujt e kampionit të botës sipas versioneve WBA, IBF dhe WBO, synon të konfirmojë sërish dominimin e tij.
Burim: Ekonomia Online
— Redaksia ZHURMA