Çfarë strategji po ndërtojnë federatat kosovare për Lojërat Mesdhetare 2030?

PRISHTINË — Lojërat Mesdhetare “Prishtina 2030” shihen si një mundësi historike për Kosovën që të prezantohet jo vetëm si organizatore, por edhe si pretendente për rezultate të rëndësishme sportive në disiplinat e reja në zhvillim.

Federata e Padelit të Kosovës ka hartuar një plan veprimi për periudhën 2025-2030 me fokus tek këto Lojëra. Sekretari i federatës, Jusuf Kika, deklaron se po investohet në infrastrukturë, hapjen e shkollave për fëmijë dhe inkuadrimin e padelit në universitetet sportive për të krijuar një bazë të gjerë sportistësh.

Qëllimi i Kika është që përmes hulumtimit të grupmoshave më të reja të krijohet një "brumë" i padelit që të kalojë më lehtë në nivel profesional. Kjo strategji synon përgatitjen afatgjatë të një ekipi që të përfaqësojë denjësisht vendin në arenën mesdhetare në vitin 2030.

Nga ana tjetër, Federata e Ragbit po pret konfirmimin përfundimtar nga Komiteti i Lojërave Mesdhetare për përfshirjen e këtij sporti në program. Rexhepi thekson se kampeve për rininë 17-18 vjeç kanë nisur tashmë, duke kërkuar investime edhe në kampe jashtë Kosovës për të rritur cilësinë e lojtarëve.

Sipas Rexhepit, ragbi mund të shërbejë si një alternativë atraktive në fushë të gjelbër, duke pasur parasysh që futbolli nuk do të jetë pjesë e këtyre Lojërave. Megjithatë, futsalli mbetet në program, ndërsa ragbi synon të zëvendësojë mungesën e garave të futbollit në fushë.

Edhe basketbolli 3×3 trajtohet si një projekt strategjik. Federata e Basketbollit të Kosovës ka nisur identifikimin e lojtarëve dhe trajnerëve për të ndërtuar një ekip konkurrues. Synimi është investimi gjatë katër viteve të ardhshme për të synuar një nga medaljet në Prishtinë.

Për këtë proces, federata ka angazhuar trajnerët e Përfaqësueses A, Bujar Loci dhe Fidan Klokoqi, të cilët bashkë me Albert Sylejmani po punojnë për të identifikuar talentet më të duhura. Ky proces synon gjetjen e modulit më të mirë të mundshëm për formimin e ekipit 3×3.

Burim: ATSH
— Redaksia ZHURMA