Pse Kosova rrezikon 90 milionë euro nga Plani i Rritjes së BE-së?
Afati për 13 reforma skadon më 30 qershor; Komisioni Evropian nuk ka pranuar ende kërkesën për pagesën e radhës.
PRISHTINË — Komisioni Evropian ka konfirmuar se ende nuk ka pranuar nga Kosova kërkesën për pagesën e radhës nga fondet e Planit të Rritjes. Afati për dorëzimin e kërkesës është 15 korriku, ndërsa dita e fundit e qershorit paraqet afatin përfundimtar për zbatimin e reformave të parapara për këtë periudhë.
Sipas një zëdhënësi të Komisionit Evropian, "afati i ardhshëm i raportimit për Kosovën do të jetë më 30 qershor". Shpërndarja e fondeve nga BE-ja i nënshtrohet vlerësimit të përmbushjes së hapave të Agjendës së Reformave, si dhe pajtueshmërisë me kushtet dhe parakushtet e përgjithshme.
Vlera e reformave që Kosova duhet t'i zbatojë deri më 30 qershor arrin mbi 90 milionë euro. Fundi i këtij viti shënon afatin përfundimtar edhe për 27 hapa të tjerë reformash, në vlerë prej afro 166 milionë eurosh. Fondet nga Plani i Rritjes janë të pakthyeshme nëse humben.
Burim: Zëri
— Redaksia ZHURMA