Kori norvegjez Defrost vjen në Pejë për koncert me Siparantum

PEJË — Kori Siparantum sjell në Kosovë ansamblin norvegjez Defrost Youth Choir për koncertin e përbashkët "Northern Echoes", i cili do të mbahet më 30 korrik, në ora 20:30, në Kishën Katolike "Shën Katerina" në Pejë. Nisma vjen si pjesë e misionit të korit shqiptar për të ndërtuar ura kulturore përmes muzikës korale.

Defrost Youth Choir drejtohet nga dirigjenti Thomas Caplin dhe konsiderohet një nga ansamblet korale më të vlerësuara në Norvegji, i njohur për interpretime të rafinuara dhe qasje inovative ndaj muzikës korale, që e ka bërë një nga zërat më interesantë të brezit të ri norvegjez.

Në të njëjtën skenë do të performojë edhe Kori Siparantum, i drejtuar nga Memli Kelmendi, me një program që përfshin vepra të kompozitorëve shqiptarë dhe botërorë. Sipas organizatorëve, mbrëmja synon të bashkojë dy tradita muzikore në një dialog artistik mes estetikës nordike dhe identitetit muzikor shqiptar.

Burim: KultPlus
— Redaksia ZHURMA