Shtyhet gjyqi i Veliajt, gjykata gjobit avokatët me nga 100 mijë lekë

Procesi gjyqësor ndaj kryebashkiakut të Tiranës, Erion Veliaj, dhe personave të tjerë të përfshirë është shtyrë për datën 27 tetor. Shkak për këtë shtyrje është bërë mungesa e avokatëve mbrojtës, të cilët po vijojnë bojkotin në shenjë pakënaqësie ndaj rregullores. Për mungesën e tyre në seancë, gjykata ka vendosur gjobitjen e secilit prej avokatëve me nga 100 mijë lekë, shumë kjo që llogaritet se tejkalon 1.000 euro.

Në seancën e zhvilluar nuk ka qenë i pranishëm asnjë nga të pandehurit dhe asnjë prej avokatëve të tyre mbrojtës. Gjatë kësaj faze, prokurori i SPAK-ut, Altin Dumani, kërkoi që gjykimi të vijojë pa praninë e avokatëve nëse ata nuk paraqiten, duke argumentuar se sjellja e tyre mund të trajtohet si heqje dorë nga e drejta për mbrojtje dhe duke iu referuar një precedenti të ngjashëm nga Gjykata e Apelit. Ndërkohë, trupi gjykues ka caktuar mbrojtës të siguruar nga lista e ndihmës juridike falas.