Konjufca: Strategjia për Hagë do të jetë e fshehtë

Ministri i Punëve të Jashtme, Glauk Konjufca, ka shpjeguar se grupi strategjik për hartimin e një strategjie shtetërore lidhur me procedurat e Apelit para dhomave të Specializuara në Hagë do të punojë në mënyrë të fshehtë. Konjufca ka thënë se mbledhja e ardhshme e grupit do të mbahet pasnesër dhe do të zgjasë gjatë gjithë ditës. Në këtë takim do të shqyrtohen dokumentet e përgatitura nga institucionet dhe do të punohet për harmonizimin e tyre në një dokument të përbashkët.

Konjufca ka theksuar se strategjia do të përfshijë disa dimensione dhe se puna e grupit nuk do të jetë publike. Sipas tij, qasja në produktin përfundimtar mund të jetë e kufizuar për shkak të natyrës së objektivave që synohen.