Kolektivi thirret protestë mbarëkombëtare për Arlinda Zekajn
Kolektivi për Mendim dhe Veprim Feminist thirret protestë mbarëkombëtare në Prishtinë për të shtunën, me gjashtë kërkesa për drejtësi dhe përgjegjësi.
Redaksia ZHURMA · · 1 min lexim
PRISHTINË — Kolektivi për Mendim dhe Veprim Feminist ka thirrur protestë mbarëkombëtare në Prishtinë për të shtunën, në vazhdim të kërkesave për drejtësi dhe përgjegjësi për rastin e vrasjes së Arlinda Zekajt. Protesta do të fillojë nga ora 12:00 nga Katdralja "Nënë Tereza".
Sipas njoftimit, vrasja e Arlinda Zekajt dhe reagimi shtetëror e kanë vendosur shoqërinë në një krizë dhe pasiguri shoqërore, e cila mund të kalojë vetëm me përgjegjësi shtetërore dhe garantim që jeta e grave merret seriozisht.
Kolektivi ka renditur gjashtë kërkesa: shkarkim, ndjekje penale dhe burgim për kryeprokuroren Lumturije Vuçetaj, prokuroren Suada Rama Hamza, kryetarin e gjykatës Shemsedin Haxhiaj, gjykatësin Migjen Kastrati, drejtoren e QPS-së Shpresa Lukajn, togerin Faruk Muqolli dhe çdo zyrtar tjetër të përfshirë; shkarkim të Donika Gërvallës dhe Xhelal Sveçlës, dorëheqjen e Gazmend Muhaxherit; trajtimin e vrasjes së grave si urgjencë kombëtare; sigurim të banimit social për të mbijetuarat e dhunës në familje; veting apartiak dhe të pavarur të sistemit të drejtësisë; dhe legalizim të sprejit vetëmbrojtës për gra.
