Çfarë diskutuan Self, Osmani dhe Abdixhiku në Prishtinë?
Ish-presidentja Osmani dhe kryetari i LDK-së pritën kongresistin republikan Keith Self, duke e vlerësuar vizitën si dëshmi të mbështetjes amerikane.
PRISHTINË — Ish-presidentja Vjosa Osmani dhe kryetari i Lidhjes Demokratike të Kosovës, Lumir Abdixhiku, kanë pritur në takim kongresistin republikan amerikan Keith Self në fillim të vizitës së tij në Kosovë.
Osmani dhe Abdixhiku e cilësuan vizitën si "dëshmi të mbështetjes së vazhdueshme të Shteteve të Bashkuara" ndaj Kosovës. Ata falënderuan Self për qëndrimin e tij "të qartë" në mbështetje të sovranitetit dhe integritetit territorial të vendit, si dhe për përkrahjen për anëtarësimin e Kosovës në NATO.
Në takim u diskutua për bashkëpunimin me administratën amerikane dhe zgjerimin e partneritetit strategjik. Sipas tyre, ky bashkëpunim mbetet "shtyllë kryesore e orientimit euroatlantik të Kosovës".
Burim: Telegrafi
— Redaksia ZHURMA