Pse erdhën në Kosovë kongresistët amerikanë Self dhe Subramanyam?
Delegacioni i udhëhequr nga republikani Keith Self mbërriti në Kosovë për takime me institucionet qendrore dhe autoritetet e sigurisë.
PRISHTINË — Kryeministri në detyrë Albin Kurti do të presë sot dy kongresistë amerikanë, Keith Self dhe Suhas Subramanyam. Takimi do të mbahet në ndërtesën e Qeverisë së Kosovës, duke filluar nga ora 11:50.
Delegacioni, i udhëhequr nga republikani Self, mbërriti në Kosovë ku u prit fillimisht nga e ngarkuara me punë në Ambasadën e SHBA-së, Anu Prattipati, në kampin Bondsteel.
Sipas njoftimit zyrtar, delegacioni do të zhvillojë takime me përfaqësues të institucioneve qendrore, autoriteteve amerikane dhe ndërkombëtare të sigurisë, si dhe me shoqërinë civile dhe mediat.
Burim: Zëri
— Redaksia ZHURMA