Komunave u kërkohet pjesëmarrje në aktivitetin simbolik për ish-krerët e UÇK-së

Përfaqësuesit e organizatave të dala nga lufta organizojnë një tubim simbolik para zyrës së Bashkimit Evropian në Prishtinë, në përvjetorin e arrestimit të ish-krerëve të Ushtrisë Çlirimtare të Kosovës. Siç ka bërë të ditur nënkryetari i OVL-UÇK-së, Gazmend Syla, përmes këtij organizimi do të përcillen mesazhe publike për të shprehur pakënaqësinë ndaj procesit gjyqësor në Hagë, krahas solidaritetit me ish-krerët.

Në kuadër të kësaj dite, ftesë për t'u bashkuar u është drejtuar edhe kryetarëve të komunave dhe administratave komunale. Atyre u është kërkuar që të dalin para objekteve komunale në të njëjtën orë për të shprehur solidaritetin e tyre.