Kodra e Diellit pa plan urbanistik, miratimi pritet deri në fund të vitit
Përpilimi i planit ka nisur në vitin 2017, por zotimet për miratimin e tij janë përsëritur pa rezultat në pesë vitet e fundit.
Redaksia ZHURMA · · Përditësuar · 1 min lexim
Plani i Detajuar Urbanistik për Kodrën e Diellit vazhdon të mos miratohet, ndonëse për të janë dhënë zotime të përsëritura gjatë pesë viteve të fundit. Përpilimi i këtij dokumenti ka filluar në vitin 2017, por pa rezultat deri më tani.
Udhëheqësi i Sektorit të Urbanizmit në Komunën e Tetovës, Rilind Selmani, thotë se procedura ndodhet në fazën e sigurimit të pëlqimeve nga institucionet kompetente. Sipas tij, priten pëlqimet nga Ministria e Mbrojtjes dhe Drejtoria për Mbrojtje dhe Shpëtim, ndërsa pas kompletimit të tyre plani do të procedohet përsëri në Ministrinë e Transportit për pëlqimin përfundimtar.
Selmani shpreh besimin se procedurat institucionale do të përfundojnë brenda afateve të parapara dhe se plani do të miratohet deri në fund të këtij viti. Ai e cilëson dokumentin me rëndësi të veçantë për zhvillimin e planifikuar dhe të qëndrueshëm të zonës turistike.
Zotimet për miratimin e planit janë shkelur vazhdimisht, sidomos në vitet 2022, 2023, 2024, 2025 dhe 2026.
