KEDS ndërpret rrymën të shtunën në katër rajone
Ndërprerjet do të zgjasin deri në tetë orë në disa zona për shkak të pastrimit të traseve dhe shtrimit të rrjetit të ri.
PRISHTINË — Kompania për Distribuimin e Energjisë Elektrike në Kosovë (KEDS) ka njoftuar se të shtunën, më 8 gusht 2026, do të ketë ndërprerje të energjisë elektrike në disa lokalitete. Kjo masë vjen si rezultat i punimeve të planifikuara për sigurinë e sistemit energjetik në rajonet e Prishtinës, Pejës, Ferizajt dhe Mitrovicës.
Në rajonin e Prishtinës, ndërprerja do të prekë rrugën „Abdyl Frashëri” në Obiliq nga ora 09:00 deri në 14:00 për shkak të shtrirjes së një kablloje të re. Ndërsa te Prishtina 7, për shkak të punimeve nga palët e treta, kompania „Naser Deliu-Valoni Company” do të mbetet pa energji nga ora 08:00 deri në 11:00.
Në rajonin e Pejës, punimet për pastrimin e trasesë do të ndërpresin rrymën në Gurrakoc, Prekallë, Osojan e lokalitete tjera nga ora 08:00 deri në 13:00. Në Deçan, ndërprerje do të ketë nga ora 08:30 deri në 13:30 për shkak të vendosjes së katër konzollave në katër shtylla në Prekolluk.
Në rajonin e Ferizajt, pastrimi i trasesë dhe mirëmbajtja preventive do të lënë pa energji zonën e Gaçkës, Gremes e Sllatinës nga ora 10:00 deri në 15:30. Kurse në Vushtrri të Mitrovicës, fshatrat Samadrexhë, Pantinë e Akrashticë do të kenë ndërprerje tetëorëshe, nga ora 08:00 deri në 16:00, për të përfunduar projektin e aprovuar.
Burim: Kallxo
— Redaksia ZHURMA