Rritet nafta, ulen çmimet e benzinës në Maqedoninë e Veriut
Komisioni Rregullator për Energjetikë njofton se nga mesnata do të rritet çmimi i naftës, ndërsa do të ulen çmimet e benzinës.
Komisioni Rregullator për Energjetikë ka njoftuar se nga mesnata do të rritet çmimi i naftës, ndërsa do të ulen çmimet e benzinës.
Çmimi i EURODIZELIT do të shitet 5,50 denarë më shtrenjtë, ndërsa EUROSUPER BS-95 dhe EUROSUPER BS-98 do të jenë 1,50 denarë më të lira për litër. Me çmimet e reja, nafta do të arrijë 104,50 denarë, ndërsa benzina BS-95 do të shitet 99 denarë dhe BS-98 për 101 denarë. Vaji Ekstra i Lehtë për Amvisëri do të jetë 7,00 denarë më i lirë, ndërsa Mazuti M-1 SU do të shitet 50,078 denarë për kilogram.
Ky vendim vjen pas rritjes së çmimit të dizelit të rafinuar në bursën mesdhetare me 7% gjatë javës së kaluar dhe forcimit të dollarit amerikan ndaj denarit me 1%.