Kasami promovon përfundimin e rrugës Mihajllo Rajçeviq në Tetovë
Projekti përfshin asfaltim, ujëjellës dhe kanalizim të ri për zgjidhje afatgjatë.
TETOVË — Kryetari i Komunës së Tetovës, Bilall Kasami, ka promovuar sot përfundimin e punimeve në rrugën "Mihajllo Rajçeviq" në lagjen Cetinsk, duke e cilësuar projektin si zgjidhje përfundimtare për një problem të kahershëm të banorëve.
Sipas Kasamit, ndërhyrja ka përfshirë jo vetëm asfaltimin e rrugës, por edhe ndërtimin e rrjetit të ri të ujësjellësit dhe kanalizimit, duke investuar në infrastrukturën nëntokësore që garanton zgjidhje afatgjatë. "Ky është modeli ynë i punës, investime të plota, cilësore dhe të qëndrueshme, pa zgjidhje të përkohshme", ka deklaruar ai.
Përfundimi i këtij projekti vjen si pjesë e investimeve infrastrukturore më të gjerë në qytetin e Tetovës, me synim përmirësimin e kushteve të jetesës për banorët e lagjeve të ndryshme, sipas çfarë raporton edhe Shenja.
Burim: Tetova Sot
— Redaksia ZHURMA
