Kasami dhe Mexhiti: Provimi i jurisprudencës në gjuhën shqipe është historik
Liderët e VLEN-it përshëndesin mundësinë e mbajtjes së provimit të jurisprudencës në gjuhën shqipe.
Redaksia ZHURMA · · 1 min lexim
Bashkëkryetarët e koalicionit VLEN, Bilall Kasami dhe Izet Mexhiti, kanë shprehur qëndrim pozitiv për zhvillimet rreth mundësisë që provimi i jurisprudencës të mbahet edhe në gjuhën shqipe. Sipas tyre, ky zhvillim përbën një moment historik për studentët shqiptarë dhe një hap të rëndësishëm për barazinë dhe dinjitetin e gjuhës shqipe në vend.
Në mesazhin e tyre të përbashkët të shpërndarë në rrjetet sociale, dy liderët kanë theksuar se premtimet marrin vlerë kur shoqërohen me vepra. «Premtimi u bë realitet, jurisprudenca flet shqip! Një ditë historike për studentët shqiptarë dhe një hap i rëndësishëm për barazinë dhe dinjitetin e gjuhës shqipe», kanë deklaruar ata, duke u uruar studentëve gëzimin e kësaj të drejte dhe duke përcjellë urimet për Festat e Nëntorit.
