Kush vendosi kamera të sigurisë në Cërnicë?

GJILAN — Në fshatin Cërnicë të Komunës së Gjilanit është realizuar projekti për vendosjen e kamerave të sigurisë, me qëllim rritjen e sigurisë publike dhe parandalimin e veprave penale. Sipas njoftimit të Policisë së Kosovës, projekti është realizuar nga Komiteti Lokal për Siguri Publike në Cërnicë, në bashkëpunim me Koordinatorin e Projekteve për Komunitet dhe Parandalim në DRP Gjilan.

Projekti është financuar nga Organizata për Siguri dhe Bashkëpunim në Evropë, OSBE, ndërsa është mbështetur edhe nga Komuna e Gjilanit, e cila ka siguruar furnizimin me energji elektrike për funksionimin e sistemit të kamerave. Qëllimi i vendosjes së kamerave është rritja e nivelit të sigurisë, mbrojtja e pronës dhe krijimi i një ambienti më të sigurt për të gjithë banorët e fshatit.

Burim: Sinjali, Kallxo, Epoka e Re, Telegrafi
— Redaksia ZHURMA