Kamberi: Kosova ka kualitet individual, duhet punë kolektive
Mbrojtësi Lindrit Kamberi flet pas humbjes së Kosovës nga Irlanda dhe thekson nevojën për punë ekipore.
Redaksia ZHURMA · · Përditësuar · 1 min lexim
Pas humbjes me rezultat tre me zero në udhëtim ndaj Republikës së Irlandës, mbrojtësi i Përfaqësueses së Kosovës, Lindrit Kamberi, ka analizuar ecurinë e skuadrës dhe sfidat për të ardhmen. Kosova e mbylli fazën e grupeve në Ligën B të Ligës së Kombeve në vendin e tretë me gjashtë pikë gjithsej, një disfatë kjo që la “Dardanët” pa mundësinë për të siguruar fazën e plej-ofit për promovim në Ligën A.
Kamberi ka vlerësuar se përbërja ka potencial të madh, por ka theksuar nevojën që futbollistët të njihen më mirë mes vete dhe të bashkohen në fushë. «Kosova ka kualitet individual shumë të lartë. Nëse punojmë edhe më shumë si ekip, të njihemi me njëri-tjetrin, mund të arrijmë shumë më tepër. Vitin tjetër mund të bëhemi edhe më shumë ekip kolektiv dhe të arrijmë gjëra më të mëdha», deklaroi ai, duke shprehur optimizëm për objektivat e ardhshme në kualifikimet për Kampionatin Evropian.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar