Jashari pret komandantin e ri të KFOR-it, në fokus bashkëpunimi

Komandanti i Forcës së Sigurisë së Kosovës, gjenerallejtënant Bashkim Jashari, ka pritur në takim gjeneralmajorin italian Roberto Vergori me rastin e marrjes së detyrës si komandant i ri i KFOR-it. Sipas njoftimeve zyrtare, Jashari i uroi suksese në detyrën e re dhe shprehu gatishmërinë për vazhdimin dhe avancimin e bashkëpunimit profesional ndërmjet dy institucioneve, në frymën e partneritetit dhe besimit të ndërsjellë.

Gjatë këtij takimi u diskutua rreth bashkëpunimit dypalësh, koordinimit institucional dhe rëndësisë së komunikimit të vazhdueshëm në funksion të ruajtjes së paqes, sigurisë dhe stabilitetit në Kosovë dhe rajon.