Policia njofton për ndërprerje të trafikut gjatë vizitës së Milatoviqit

Gjatë vizitës zyrtare të presidentit të Malit të Zi, Jakov Milatoviq, Policia e Kosovës ka paralajmëruar ndërprerje të përkohshme të qarkullimit në disa segmente rrugore. Autoritetet policore kanë kërkuar mirëkuptimin e qytetarëve dhe pjesëmarrësve në trafik për të mundësuar qarkullim të lirë të eskortës sipas itinerarit nga pika kufitare Kullë – Pejë dhe gjatë aktiviteteve në rajonin e Pejës.

Ndërprerjet e trafikut do të bëhen në intervale të shkurtra kohore sipas nevojës, ndërsa mund të ketë edhe riorientim të trafikut në rrugë alternative. Krahas masave të sigurisë dhe rregullimit të trafikut gjatë lëvizjes së eskortës, kreu i shtetit malazez zhvillon sot takimet dhe agjendën e tij në vend.