Çfarë u këshillon ish-presidentja Jahjaga të rinjve kosovarë për të ardhmen?
Ish-presidentja Atifete Jahjaga nxit të rinjt kosovarë të bëhen themelues biznesesh dhe të shërbejnë tregun global nga Kosova.
PRISHTINË — Ish-presidentja Atifete Jahjaga mori pjesë në ceremoninë e diplomimit të gjeneratës së nëntë të CACTTUS Education, ku përgëzoi të rinjtë për arritjet e tyre. Ajo i nxiti të shfrytëzojnë potencialin e teknologjisë për të krijuar mundësi të reja në vend dhe në tregun botëror.
Jahjaga theksoi se në botën digjitale nuk ekzistojnë kufizime gjeografike. Sipas saj, një ide e zhvilluar në Prishtinë mund të shndërrohet në një produkt të përdorur në tregjet ndërkombëtare. Ajo vlerësoi kontributin e të rinjve kosovarë, të cilët sot punojnë në institucione publike, organizata ndërkombëtare dhe kompani globale në fusha si siguria kibernetike, mbrojtja e të dhënave dhe zhvillimi i teknologjive.
Megjithatë, ish-presidentja bëri një thirrje të prerë: të rinjtë nuk duhet të kufizohen në kërkimin e mundësive të punës. Ajo i nxiti të bëhen krijues përmes themelimit të bizneseve dhe krijimit të vendeve të punës në Kosovë — një mesazh që përqendrohet në rëndësinë e sipërmarrjes lokal për zhvillimet ekonomike të vendit.
Duke folur për zhvillimet teknologjike, Jahjaga nënvizoi domosdoshmërinë e përdorimit të inteligjencës artificiale në shërbim të njeriut, duke mbrojtur vlera si humanizmi, dinjiteti, privatësia dhe barazia e mundësive. Ajo u kushtoi një mesazh të veçantë vajzave të reja, duke i inkurajuar të mos lejojnë stereotipet të përcaktojnë rolin e tyre dhe të jenë pjesë aktive e teknologjisë, inovacionit dhe udhëheqjes.
Burim: Zëri
— Redaksia ZHURMA
