Isni Kilaj shpallet i pafajshëm nga Gjykata Speciale
Ish-kryetari i Malishevës lirohet nga Gjykata Speciale, ndërsa të tjerët dënohen me burgim.
Redaksia ZHURMA · · Përditësuar · 2 min lexim
Dhomat e Specializuara të Kosovës në Hagë kanë shpallur të pafajshëm ish-kryetarin e Komunës së Malishevës, Isni Kilaj, për akuzat që lidheshin me tentativën për pengim të personave zyrtarë në kryerjen e detyrave zyrtare dhe për mosbindje ndaj Gjykatës. Vendimin e ka bërë të ditur gjyqtari i vetëm, Christopher Gosnell, i cili gjatë shpalljes së aktgjykimit deklaroi se ai do të lirohet në përfundim të seancës.
Sipas mediave të ndryshme, në këtë rast janë dhënë edhe vendime të tjera ku ish-presidenti Hashim Thaçi u dënua me 1 vjet e 5 muaj burgim për veprën e tentim-pengimit në drejtësi, ndërsa Bashkim Smakaj dhe Fadil Fazliu u dënuan me nga 12 muaj burgim secili. Trupi gjykues theksoi se veprat penale të pengimit të drejtësisë dyshohet se janë kryer gjatë vizitave në objektin e paraburgimit, ndërsa Kilaj ishte arrestuar fillimisht nëntorin e vitit 2023 para se të kalonte nëpër disa periudha lirimi me kusht.
Siç raportoi Zhurma më 15 nëntor 2026, ish-kryetari i Malishevës kishte udhëtuar drejt Hagës në prag të këtij verdikti nga Dhomat e Specializuara.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar