ISHTI: Incidentet me bombolat, pasojë e rrjedhjes së gazit

Incidentet me bombolat e gazit në mjediset familjare apo bizneseve janë tashmë raste të përsëritura. Inspektoriati Shtetëror Teknik dhe Industrial (ISHTI) konfirmon se shkaku kryesor i incidenteve të tilla vjen nga rrjedhja e gazit. Hadër Mulla, inspektor pranë ISHTI-t, thekson se shpërthimet shpesh provokohen kur në një ambient të mbyllur ka rrjedhje gazi dhe në kushte të caktuara të ajrimit, krijon kushte shpërthimi në rast të një shkëndije.

ISHTI kërkon që të mos përdoren bombola të pacertifikuara, duke theksuar se një bombël e pacertifikuar nuk jep garanci. Mulla thotë se tekniku duhet të jetë i certifikuar për instalimet e gazit, ndërsa tubi plastik i gazit ka afat skadence që duhet ndërruar. Në rast të ndërrimit të bombolës, duhet kujdesuar edhe pickimi i gominës.

Eksperti thekson se mungesa e informimit nga qytetarët bëhet shpesh shkak i incidenteve. Nëse ndihet aroma e rrjedhjes së gazit, Mulla këshillon të mbyll ventilin dhe të përdoren vetëm bombola në ambiente të hapura. Ai apelon gjithashtu që të mos përdoren bombolat e vogla të kampingut, të cilat janë të rrezikshme për ambientet e mbyllura.