Kush e kanosi ish-kryeprokurorin në Mitrovicë?
Pse dyshohet se tentim-sulmi lidhet me detyrën e mëparshme në Departamentin e Krimeve të Rënda?
MITROVICË — Një ish-kryeprokuror, tani avokat, ka raportuar në Polici se është kanosur dhe se ndaj tij është tentuar sulm fizik në sheshin "Isa Boletini" të Mitrovicës, mëson ekskluzivisht Gazeta Sinjali. Ngjarja ka ndodhur më 23 qershor, rreth orës 10:00.
Sipas deklarimit të ankuesit, i dyshuari i është afruar ndërsa ai pinte kafe dhe dyshohet se ka tentuar ta sulmojë fizikisht, duke e kanosur me fjalë të ndryshme. Kanosja dhe tentim-sulmi dyshohet se lidhen me detyrën zyrtare që ankuesi e kishte ushtruar më herët si kryeprokuror në Departamentin e Krimeve të Rënda.
I dyshuari është intervistuar nga Policia dhe, me vendim të Prokurorit kujdestar, është ndaluar për 48 orë. Rasti është duke u hetuar si "Sulm", ndërsa hetimet vijojnë.
Burim: Sinjali
— Redaksia ZHURMA