Kush janë tre personat e ndaluar pas protestës në Shkup sipas Isenit?
Zëvendësministri i Brendshëm sqaron incidentin pas protestës për gjuhën shqipe, duke i akuzuar Xhaferin dhe Bexhetin për dezinformim.
Redaksia ZHURMA · · Përditësuar · 1 min lexim
SHKUP — Zëvendësministri i Punëve të Brendshme, Astrit Iseni, njoftoi se policia ka ndaluar tre persona pas një përplasjeje që ndodhi pas përfundimit të protestës së së shtunës në Shkup, ku mijëra protestues kërkuan zbatimin e gjuhës shqipe në institucionet e Maqedonisë së Veriut.
Në një video në rrjetet sociale, Iseni precizoi se të ndaluarit janë dy shqiptarë dhe një maqedonas. Ai iu bëri thirrje qytetarëve të mos bien pre e "propagandave dhe dezinformatave" që, sipas tij, po qarkullojnë nga "maqineria propagandistike e Musa Xhaferit dhe Blerim Bexhetit".
Iseni shtoi se institucionet përkatëse po punojnë për "zbardhjen e plotë të rastit dhe caktimin e përgjegjësive".
Burim: Zëri
— Redaksia ZHURMA
