Interpoli refuzon Serbinë — s'ka urdhër-arrest për 6 aktivistë e studentë
Avokati i të akuzuarve thotë se Interpoli e konsideron këtë si një rast krime politike
— Interpoli e ka hedhur poshtë kërkesën e Serbisë për lëshimin e një urdhër-arresti ndërkombëtar për gjashtë aktivistë dhe studentë të lidhur me organizatën ‘Studentër Kundër Pushtetit Autoritar (Studenti Protiv Autoritarne Vlasti- STAV ) dhe Lëvizjen e Qytetarëve të Lirë (Pokret Slobodnih Gradjana, PSG). Avokati i të akuzuarve, Veljko Miliq, i ka thënë se Interpoli ka vlerësuar se rasti ishte i natyrës politike, andaj nuk do të veprojë sipas kërkesës së Serbisë. Zyra e Prokurorit për Krimin e Organizuar në Serbi i akuzon aktivistët dhe studentët se kanë planifikuar ndryshim me dhunë të rendit kushtetues të Serbisë në prag të protestës së 15 marsit të vitit të kaluar.
Ata akuzohen se “kanë përgatitur një akt kundër rendit kushtetues dhe sigurisë së Serbisë”. Sipas mbrojtjes, akuzat bazohen në një bisedë të përgjuar, e cila është regjistruar në mënyrë të kundërligjshme.
Burim: Illyria, Illyria — Redaksia ZHURMA
Të ngjashme
sipas temës · #jashte-kufijve
Punëtori i OSHEE-së bie nga shtylla në Himarë — Bashkim Boçi humb jetën në krye të detyrës
Dogana zbulon 23 bizhuteri 'Swarovski' në bagazhin e një udhëtareje — 5.400 euro
S'ka procedurë penale për posterët me thirrje kundër shqiptarëve në Krushevc
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.