24 institucione kosovare mbeten pa anëtarë — numri i tyre rritet nga 17 në 2025

PRISHTINË — Hulumtuesi i lartë në Institutin e Kosovës për Drejtësi, Naim Jakaj, ka ngritur shqetësimin për numrin në rritje të institucioneve dhe agjencive të pavarura që po përballen me mungesë të anëtarëve, duke paralajmëruar se disa prej tyre mund të bëhen jofunksionale për shkak të ngërçit politik dhe mungesës së Kuvendit funksional.

Jakaj në një intervistë për Ekonomia Online ka thënë se në vitin 2025 ishin evidentuar 17 institucione me probleme në përbërjen ose funksionalitetin e tyre, ndërsa tashmë ky numër është rritur në 24. Jakaj ka përmendur si shembuj Bordin e Ankesave në Komisionin e Pavarur për Media dhe Bordin e Autoritetit Rregullativ të Konkurrencës, të cilët, sipas tij, janë jofunksionalë për shkak të mungesës së anëtarëve.

Ai ka bërë të ditur se mungesa të pozitave ka edhe në Organin Shqyrtues të Prokurimit Publik, Autoritetin Rregullativ të Hekurudhave, Radio Televizionin e Kosovës, Komisionin për Ndihmë Shtetërore dhe Këshillin e Pavarur Mbikëqyrës për Shërbimin Civil të Kosovës. Jakaj ka paralajmëruar se situata mund të përkeqësohet edhe më tej, pasi disa institucioneve u skadojnë mandatet e drejtuesve, ndërsa proceset për zëvendësimin e tyre nuk kanë nisur me kohë.

Jakaj ka thënë se mungesa e një Kuvendi funksional mund të ndikojë drejtpërdrejt në punën e institucioneve të pavarura, duke i pamundësuar ato të kryejnë detyrat e tyre ligjore dhe kushtetuese. Ai ka paralajmëruar se pasojat e mosplotësimit të këtyre institucioneve mund të rëndojnë drejtpërdrejt mbi qytetarët e Kosovës.

Me Kushtetutën e Kosovës, me ligjet e caktuara, Kuvendi i Kosovës edhe institucionet përgjegjëse, Qeveria, Kuvendi, kanë paraparë institucionet të cilat duhet të kujdesen si për mbarëvajtjen në administratë, si për mbarëvajtjen e punëve të cilat këto institucione e kryejnë në shërbim dhe në interes të secilit qytetar në Republikën e Kosovës.

Jakaj ka paralajmëruar se pasojat e mosplotësimit të këtyre institucioneve mund të rëndojnë drejtpërdrejt mbi qytetarët e Kosovës. Dhe kjo mungesë e anëtarëve në këto organe kolegjiale dhe individuale për pasojë do të ketë vetëm jetën e qytetarit të Kosovës, pra do ta rëndojë barrën e qytetarit të Kosovës.

Duke folur për Autoritetin e Konkurrencës, Jakaj ka paralajmëruar se mosfunksionimi i tij mund të shkaktojë dëme të pariparueshme për qytetarët, veçanërisht në rastet e dyshuara për marrëveshje të paligjshme për çmime. Ngritja e madhe e çmimeve, ngritja e dakorduar e çmimeve në disa raste siç raportohet në publik, nëse nuk mund të bëhet dhe hetohet nga Autoriteti i Konkurrencës për një periudhë të caktuar, nuk ka kuptim të hetohet për një periudhë që do të vijë pas një viti apo dy viteve, sepse efekti dhe dëmi që është bërë tek qytetarët nuk mund ta rikthejë atë dëm të pariparueshëm Autoriteti i Konkurrencës, sepse nëse qytetarët do t’i kushtojë me kosto të jetesës në shportën të cilën ai duhet ta sigurojë për çdo ditë për familjen, nëse në rastin se ai ka paguar 20 euro, 30 euro më shumë për ditë ose për javë, Autoriteti i Konkurrencës nuk e ka atë detyrë që atij t’ia kthejë ato para.

Burim: Gazeta Dukagjini, https://www.dukagjini.com/jakaj-institucionet-e-pavarura-rrezikojne-paralizimin-pasojat-mund-te-jene-te-pariparueshme/
— Redaksia ZHURMA