Lajme
KOS
Si të mbrohen qytetarët nga temperaturat e larta?
Instituti Kombëtar i Shëndetësisë Publike rekomandon hapat konkretë për të shmangur dehidratimin dhe efektet e vapës.
Redaksia ZHURMA
14:29
1 min lexim
PRISHTINË — Instituti Kombëtar i Shëndetësisë Publike të Kosovës (IKSHPK) u ka bërë thirrje qytetarëve që të kujdesen për shëndetin e tyre gjatë temperaturave të larta. Përmes një njoftimi, instituti rekomandon që qytetarët të pinë ujë shpesh për të shmangur dehidratimin, si dhe të konsumojnë ushqime të lehta dhe të freskëta.
IKSHPK këshillon gjithashtu shmangien e pijetve alkoolike dhe atyre me përmbajtje të lartë sheqeri. Për të përballuar vapën, qytetarët rekomandohet të vishen me rroba të lehta dhe të freskohin trupin rregullisht me ujë.
Burim: Gazeta Express
— Redaksia ZHURMA