Vazhdo leximin
⌕ ☆
Kronikë

Ibishi: Mospatja e gomave të dimrit për veturat e Policisë është e papranueshme

Eksperti i sigurisë kritikon mungesën e pajisjeve dimërore për veturat e Policisë së Kosovës.

Redaksia ZHURMA · · 2 min lexim

Eksperti i sigurisë, Nuredin Ibishi, ka kritikuar mungesën e gomave dimërore për veturat e Policisë së Kosovës, duke e cilësuar të papranueshme që një institucion që kërkon nga qytetarët zbatimin e ligjit të mos i ketë kushtet për përmbushjen e detyrave të veta. I ftuar në emisionin «DPT te Fidani» në Klan Kosova, ai ka theksuar se Policia duhet të përgatitet për sezonin dimëror para se t'u kërkojë qytetarëve respektimin e rregullave për pajisjen e automjeteve.

Ibishi: Mospatja e gomave të dimrit për veturat e Policisë është e papranueshme
Foto: ekonomiaonline.com

Ibishi ka shtuar se deklarimet për ekzistimin e rezervave janë të paqëndrueshme, pasi furnizimi me pajisjet e nevojshme duhet të planifikohet me kohë. «Policia duhet të kërkojë nga qytetarët zbatimin e ligjit për kalimin nga sezoni veror në atë dimëror, por kur vetë Policia nuk i ka kushtet e nevojshme, atëherë bie në kundërshtim me zbatimin e ligjit», u shpreh ai, duke shtuar se sezoni nuk pret dhe se gjërat duhet të rregullohen në mënyrë që Policia të jetë e gatshme.

Gjithashtu, ai ka bërë thirrje për bashkëpunim ndërmjet institucioneve për të shmangur mungesa të tilla, të cilat mund të ndikojnë te funksionimi, mbrojtja dhe reagimi i Policisë në raste nevoje.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Batllavë 24 kamera →

Koleksione · të dhëna të verifikuara

Vazhdo me më të lexuarat sot

Përditësuar

  1. Big Brother VIP Kosova 5

    Zhvillim i fundit: kultura

Pyet Zhurmën
Shërbime, enciklopedi dhe lajme