Të shtëna me armë në Prishtinë lënë një person të plagosur

PRISHTINË — Një person është plagosur si pasojë e të shtënave me armë zjarri që kanë ndodhur në orët e para të mëngjesit në Prishtinë. Rasti për të cilin dyshohen dy vëllezër është konfirmuar edhe nga Policia e Kosovës.

Drejtori i Emergjencës, Naser Syla, ka konfirmuar për Klankosova.tv se i plagosuri është trajtuar në Qendrën Emergjente dhe më pas është transferuar në Klinikën e Ortopedisë për vazhdim të trajtimit, ndërsa gjendja e tij shëndetësore është stabile.

Policia e Kosovës është duke vazhduar hetimet lidhur me plagosjen me armë zjarri që ndodhi në rrugën “Xheladin Hana” në Prishtinë. Burim: Klan Kosova, https://klankosova.tv/i-plagosuri-nga-te-shtenat-ne-prishtine-jashte-rrezikut-per-jete/
— Redaksia ZHURMA