Hoxhaj: Mbështetja për krerët e UÇK-së është detyrim ndaj historisë
Enver Hoxhaj mori pjesë në mbledhjen konstituive të Grupit Punues për Strategjinë Shtetërore të apelit në Hagë.
Redaksia ZHURMA · · 1 min lexim
Përfaqësuesi i Grupit Parlamentar të PDK-së në Grupin Punues, Enver Hoxhaj, ka marrë pjesë në mbledhjen konstituive të këtij grupi për hartimin dhe harmonizimin e Strategjisë Shtetërore lidhur me procedurat e apelit para Dhomave të Specializuara në Hagë. Sipas tij, mbështetja për krerët e UÇK-së paraqet përgjegjësi shtetërore dhe detyrim ndaj historisë së vendit.
«Si përfaqësues i Grupit Parlamentar të PDK-së në këtë Grup Punues, do të angazhohem që ky detyrim të përkthehet në veprime konkrete dhe mbështetje të plotë në procesin e apelit», ka shkruar Hoxhaj, duke bërë thirrje për unitet dhe ruajtje të dinjitetit të atyre që i prinë luftës çlirimtare.
