Arrestohet një person në parkingun e QKUK-së për drogjë

Një person është arrestuar në parkingun e Qendrës Klinike Universitare të Kosovës, pasi gjatë kontrollit policor tek ai janë gjetur substanca të dyshuara narkotike dhe para të gatshme. Sipas raportit të Policisë, gjatë kontrollit të dyshuarit i janë sekuestruar 24.8 gramë substancë e dyshuar narkotike e llojit kokainë, 1.3 gramë marihuanë, si dhe 1,100 euro para të gatshme. «Me vendim të prokurorit, i dyshuari është dërguar në mbajtje», thuhet në njoftim.