Hoxha: Gërvalla e Sveçla të dorëhiqeshin ose të shkarkoheshin

Deputetja e Partisë Demokratike të Kosovës, Eliza Hoxha, ka kërkuar dorëheqjen e ministres së Drejtësisë, Donika Gërvalla, dhe të ministrit të Punëve të Brendshme, Xhelal Sveçla, pas rastit të vrasjes së Arlinda Zekajt. Gjatë një paraqitjeje në emisionin DPT te Fidani, ajo theksoi se të dy zyrtarët drejtojnë institucione ku dështoi zinxhiri i mbrojtjes për të ndjerën.

Hoxha u shpreh se dorëheqja nuk duhet parë si dorëzim, por si akt moral e fisnik ndaj qytetarëve që kanë besuar dhe votuar. Sipas saj, Gërvalla mban dy pozicione dhe qëndron e heshtur duke e kaluar përgjegjësinë te të tjerët. Deputetja shtoi se mungesa e përgjegjësisë morale e bën të pamundur atë institucionale, ndaj në mungesë të dorëheqjeve, kryeministri Albin Kurti do të duhej t'i shkarkonte ministrat për dështimin e zinxhirëve institucionalë.