Si po tentojnë vëllezërit Ahmeti të revolucionarizojnë futbollin e rinj?

TETOVË — Ish-futbollistët Hivzi dhe Bashkim Ahmeti kanë nisur implementimin e një metodologjie moderne për zhvillimin e futbollistëve të rinj përmes qendrës së tyre “1MAXIMUM2 TRAINING CENTER”. Qëllimi i projektit është përgatitja e lojtarëve për kërkesat aktuale të sportit, duke kaluar përtej talentit të thjeshtë apo punës fizike tradicionale.

Metodologjia e tyre fokusohet në zhvillimin e plotë të lojtarit në pesë dimensione: teknik, taktik, fizik, mendor dhe perceptues. Sipas projektit, ky qasje mundëson vendimmarrje më të shpejtë nën presion, teknikë më efikase dhe rritje të vlerës së lojtarëve, gjë që reflektohet direkt në rezultate më të mira për klubet dhe shkollat e futbollit.

Hivzi Ahmeti ka investuar në edukim profesional dhe ndjekjen e trendeve më të fundit të futbollit evropian. Ai shkëmben përvoja me specialistë dhe trajnerë që punojnë në nivelet më të larta, përfshirë stafet teknike dhe akademinë e Barcelonës, si dhe analistë të performancës që operojnë në klubin Paris Saint-Germain.

Këto bashkëpunime ndërkombëtare lejojnë që teoritë moderne të aplikohen në praktikë gjatë punës me të rinjtë. Bashkimi Ahmeti kontribuon në procesin e zhvillimit individual, duke u fokusuar në krijimin e futbollistëve të kompletuar. Vëllezërit synojnë që lojtarët e tyre të jenë të përgatitur për të konkurruar në nivelet më të larta evropiane.

Përveç punës në fushë, ata kanë krijuar një rrjet të gjerë kontaktesh me akademi dhe profesionistë të njohur. Ky shkëmbim i vazhdueshëm i njohurive u mundëson përshtatjen e modeleve bashkëkohore stërvitore me nevojat specifike të futbollistëve të rinj, duke synuar ngritjen e standardeve të zhvillimit të sportit në rajon.

Vizioni i vëllezërit Ahmeti nuk synon vetëm suksesin e menjëhershëm, por ndërtimin e gjeneratave dhe karakterit të lojtarëve. Duke investuar në metodologji, ata pretendojnë se klubet nuk fitojnë thjesht ndeshje, por krijojnë një identitet të qartë loje dhe një filozofi të unifikuar të zhvillimit të talentit.

Burim: Tetova Sot
— Redaksia ZHURMA