Si është strehimorja e parë institucionale në veri që përuroi Haxhiu?

MITROVICË — Ushtruesja e detyrës së presidentes Albulena Haxhiu ka përuruar strehimoren e parë institucionale në veri të vendit, e rinovuar me një investim prej 634 mijë eurosh.

Haxhiu tha se vizita në pjesën veriore të Mitrovicës nisi "aty ku shihet qartë dallimi mes shtetit që rikthen ligjin dhe krimit që ka dashur ta mbajë peng". Ajo theksoi se kjo është strehimorja e parë në rajon e ndërtuar sipas standardeve të Konventës së Stambollit.

"Asokohe si ministre e Drejtësisë, bashkë me ish-kryetarin e Mitrovicës së Veriut, Erden Atiq dhe ministrin Xhelal Sveçla e ridestinuam këtë objekt në strehimore për viktimat e dhunës në familje", deklaroi Haxhiu. Çelësat e objektit iu dorëzuan ministrit Andin Hoti për ta vënë në funksion të personave që kanë nevojë për siguri, kujdes dhe dinjitet.

Burim: Zëri
— Redaksia ZHURMA