Haxhiu: Serbia pagoi gjyqtarët e prokurorët e dorëhequr
Sipas saj, pagesat kanë filluar nga viti 2017 dhe disa nga këta zyrtarë morën pjesë në takime për bllokimin e rrugëve.
PRISHTINË — Ushtruesja e detyrës së presidentes, Albulena Haxhiu, ka pretenduar se pjesa dërrmuese e gjyqtarëve, prokurorëve dhe stafit administrativ të dorëhequr kanë marrë dhe vazhdojnë të marrin mjete financiare nga Serbia. Pagesat sipas saj kanë filluar që nga viti 2017, duke përfshirë kohën kur ata ushtronin detyrat zyrtare.
Këto pretendime Haxhiu i mbështet në disa të dhëna që thotë se i ka në dispozicion, duke shtuar se lojaliteti i tyre ndaj Serbisë është shpërblyer në kohën kur pritej që ata të ushtronin mandatin në dobi të qytetarëve. Kjo vjen mes diskutimeve për dorëheqjet e gjyqtarëve serbë.
Më tej, ajo pretendoi se ka pasur takime të mbajtura në Serbi dhe Kosovë ku ish-gjyqtarë dhe prokurorë kanë marrë pjesë për të diskutuar plane rreth bllokimit të rrugëve. Sipas Haxhiut, disa nga këto raste janë tashmë publike.
Burim: Epoka e Re
— Redaksia ZHURMA