Haxhiu pret në takim të Ngarkuarën me Punë të ShBA-së, Wylita Bell

Kryetarja e Kuvendit të Kosovës, Albulena Haxhiu, ka pritur në takim të Ngarkuarën me Punë a.i. të Ambasadës së Shteteve të Bashkuara të Amerikës, Wylita Bell. Gjatë këtij takimi, ku u trajtuan mundësitë për thellimin e bashkëpunimit me institucionet amerikane, u vunë në pah edhe prioritetet dhe puna që e pret Kuvendin në legjislaturën e njëmbëdhjetë pas kompletimit të institucioneve të vendit.

Haxhiu shprehu mirënjohje për mbështetjen e vazhdueshme që Shtetet e Bashkuara të Amerikës i kanë dhënë Kosovës ndër vite. «SHBA-ja mbetet aleati ynë strategjik, ndërsa partneriteti ynë me të është thelbësor për avancimin e rrugës euroatlantike të Kosovës», theksoi ajo gjatë bisedës me diplomaten amerikane.