Haxhiu: Pranimi i dekretit për Byronë shënon nisjen e zbatimit të ligjit

Ligji për Byronë Shtetërore për Verifikimin dhe Konfiskimin e Pasurisë së Pajustifikueshme ka hyrë në fazën e zbatimit, dy javë pas miratimit të tij në Kuvend. Albulena Haxhiu ka njoftuar përmes një postimi se ka pranuar nga Presidenca dekretin për shpalljen e këtij ligji.

Haxhiu ka bërë të ditur se Kuvendi do ta përcjellë nga afër procesin e ngritjes së këtij institucioni, ndërsa efektiviteti i tij do të vlerësohet nga rezultatet. Haxhiu theksoi se çdo pasuri e personave në funksione publike kërkohet të ketë burim të ligjshëm dhe të dokumentuar. «Për secilin që ushtron funksion publik, është e qartë se çdo pasuri duhet të ketë burim të ligjshëm dhe të dokumentuar. Kuvendi do ta përcjellë nga afër ngritjen e Byrosë. Qytetarët do ta matin këtë ligj me rezultatet që do të japë», ka shkruar ajo.