Haxhiu ndërpret seancën e Kuvendit për mungesë kuorumi

Kryetarja e Kuvendit të Kosovës, Albulena Haxhiu, ka vendosur të ndërpresë punimet e seancës plenare për shkak të mungesës së kuorumit. Në këtë seancë ishte planifikuar të shqyrtohej pika për Ligjin e Gjykatës Speciale, por rendi i ditës mbeti pa u përmbyllur, ndërkohë që nuk u hodh në votim as rezoluta e Aleancës për çështjen e energjisë elektrike.

Haxhiu ka bërë të ditur se vazhdimi i punimeve do të caktohet pasi të arrihet një dakordim me shefat e grupeve parlamentare. «Punimet e kësaj seance vazhdojnë në një kohë kur të dakordohemi me shefat e grupeve parlamentare. Natën e mirë», ka deklaruar ajo.