Hargreaves: Pas zgjedhjeve do të duhet kompromis për presidentin
Ambasadori britanik kërkon nga partitë të fushatojnë me ndërgjegjësimin se vota do të sjellë nevojë për marrëveshje.
PRISHTINË — Ambasadori i Mbretërisë së Bashkuar në Kosovë, Jonathan Hargreaves, i ka bërë thirrje politikanëve kosovarë të punojnë në frymën e kompromisit, duke paralajmëruar se pas zgjedhjeve të 8 qershorit do të ketë nevojë për marrëveshje.
Në një intervistë për RTK, Hargreaves tha se fushata që fillon të enjten duhet të zhvillohet me "njohurinë që do të ketë nevojë gjithsesi për një lloj kompromisi, për një lloj marrëveshjeje pas zgjedhjeve". Ai theksoi se nuk dihen shifrat që do të dalin, por sigurisht që do të ketë nevojë për zgjedhjen e presidentit.
Ai kërkoi që partitë të gjejnë "një mënyrë ku fitojnë të gjitha palët, e jo ku humb njëra ose fiton tjetra", duke shtuar se Kosova është ndërtuar në frymën e bashkëpunimit. Hargreaves vlerësoi Kushtetutën e Kosovës si "të shëndoshë", duke përmendur se është punuar së bashku për të.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.