Haradinaj përkujton 16 luftëtarët e Batalionit Gardist “Shkelzen Haradinaj”
Ish-kryetari i AAK-së nderon sakrificën e pjesëtarëve të rënë në Dukagjin gjatë luftës.
PRISHTINË — Ish-kryetari i Aleancës për Ardhmërinë e Kosovës, Ramush Haradinaj, ka përkujtuar Batalionin Gardist “Shkelzen Haradinaj” në një postim në Facebook, duke nderuar sakrificën e pjesëtarëve të tij gjatë luftës në Dukagjin.
Haradinaj theksoi rolin e këtij batalioni në frontet e luftës dhe gatishmërinë e tyre për të ndihmuar bashkëluftëtarët e plagosur. Ai renditi emrat e 16 luftëtarëve të rënë: Arton Mehmetaj, Fehmi Demiqi, Hajrush Demaj, Hysen Mehmeti, Islam Krasniqi, Liman Morina, Metë Krasniqi, Nuredin Gërvalla, Nazmi Gradina, Nimon Musaj, Naim Berisha, Përparim Ferizi, Sali Ferizi, Valiant Ferizi, Përparim Shala dhe Xhavit Islami.
“Me dhembje e krenari, sot dhe përgjithmonë kujtojmë dhe nderojmë sakrificën tyre, flijimin dhe vetëmohimin”, shkroi Haradinaj.
Burim: Zëri
— Redaksia ZHURMA