Hapet ekspozita “Kosova e Kadaresë” në Prishtinë për 90-vjetorin e lindjes
Biblioteka Kombëtare e Kosovës “Pjetër Bogdani” pret ekspozitën kushtuar shkrimtarit të njohur shqiptar, Ismail Kadare.
Redaksia ZHURMA · · Përditësuar · 1 min lexim
PRISHTINË — Në Prishtinë hapet ekspozita e veçantë “Kosova e Kadaresë”, e cila organizohet në kuadër të shënimit të 90-vjetorit të lindjes së shkrimtarit të njohur shqiptar, Ismail Kadare. Ngjarja kulturore zhvillohet në hollin e Bibliotekës Kombëtare të Kosovës “Pjetër Bogdani”.
Organizimi vjen si nismë e përbashkët e Ambasadës së Republikës së Shqipërisë në Kosovë, Bibliotekës Kombëtare të Kosovës “Pjetër Bogdani” dhe Shtëpisë Studio Kadare nga Bashkia Tiranë. Vizitorët do të kenë mundësinë të shohin një koleksion të pasur materialesh për jetën, krijimtarinë dhe rrugëtimin letrar të shkrimtarit.
Në ekspozitë janë përfshirë letra të rralla të Kadaresë dërguar liderëve botërorë, dorëshkrime, botime dhe objekte nga fondi personal i tij. Po ashtu, publiku mund të shohë materiale të ruajtura në fondet e muzeut, Bibliotekës Kombëtare të Kosovës dhe Bibliotekës Kombëtare të Shqipërisë.
