Grevë greke në pikat kufitare, MPB njofton qytetarët
Automjetet udhëtarësh do të lejohen të kalojnë çdo 10 minuta
TIRANË — Ministria e Punëve të Brendshme njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli). Sipas MPB, gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë.
Sipas Bota Sot, të hënën në mëngjes, punonjësit e doganave greke do të zhvillojnë grevë në disa pika kufitare, duke shkaktuar kufizime në qarkullim. Nga MPB theksuan se institucioni do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës.
Burim: Telegrafi, https://telegrafi.com/mpb-te-henen-ne-mengjes-greve-e-doganiereve-greke-ne-pikat-kufitare-2677271486/ — Redaksia ZHURMA