Grevë e punëtorëve teknikë dhe zhvillimet në institucione

Punëtorët teknikë të shkollave të mesme dhe fillore të kryeqytetit mbajnë grevë lidhur me mosrealizimin e pagave. Ndërkohë, bordi aktual i Stacionit të Autobusëve mban konferencë për media.

Në Kuvendin e Kosovës, Komisioni për Integrim Evropian shqyrton Projektligjin për ndryshimin dhe plotësimin e Ligjit për Parandalimin e Pastrimit të Parave dhe Luftimin e Financimit të Terrorizmit. Po ashtu, Komisioni për të Drejtat e Njeriut, Barazi Gjinore dhe Peticione shpall konkursin për Avokatin e Popullit, ndërsa Avokati i Popullit mban tryezë diskutimi në lidhje me publikimin dhe prezantimin e Raportit ex officio për Dhomat e Specializuara dhe Zyrën e Prokurorit të Specializuar. Komisioni për Mbikëqyrjen e Financave Publike shqyrton Planin e Punës për sesionin vjeshtor, kurse Komisioni për të Drejtat dhe Interesat e Komuniteteve dhe Kthim shqyrton Projektligjin mbi ndarjet buxhetore për Buxhetin e Republikës së Kosovës. Komisioni për Legjislacion formon grupin punues për Projektligjin për Byronë Shtetërore dhe verifikimin e konfiskimin e pasurisë së pajustifikueshme, ndërsa Komisioni për Buxhet shqyrton raportin financiar të RTK-së dhe programin e shpenzimeve të saj.

Në agjendë përfshihen edhe ceremonia e ndërrimit të komandës së KFOR-it mes gjeneralmajor Özkan Ulutaş dhe gjeneralmajor Roberto Vergori, si dhe dorëzimi i një kallëzimi penal në Prokurorinë Speciale nga avokati Gent Gjini ndaj zëvendëskryeministrit serb, Ivica Daçiç, lidhur me deklaratat e tij mbi Kosovën. Gjithashtu, Ministria e Ekonomisë mban takimin e parë konstituiv të Bordit të Korporatës për Ruajtjen e Energjisë KRE Sh.A, me pjesëmarrjen e kryeministrit të Republikës së Kosovës, Albin Kurti.