Çfarë ndodhi në grabitjen e 'Vodafone' në Durrës?

Një pikë e shërbimeve të telefonisë celulare 'Vodafone' në Durrës ka rënë pre e një grabitjeje, pasi një i ri dyshohet se ka marrë me forcë një shumë parash. Sipas të dhënave paraprake, pas kryerjes së grabitjes, autori është larguar nga vendngjarja, ndërsa blutë kanë nisur hetimet dhe kërkimet për identifikimin dhe arrestimin e tij.

Sipas policisë, autori i dyshuar nuk ka pasur armë të asnjë lloji. Ai ka kërcënuar vajzën e cila punonte aty dhe i ka marrë nga sirtari paratë dhe më pas është larguar. Policja po ashtu ka marrë pamjet nga kamerat e sigurisë së subjektit dhe po i analizon ato për të zbardhur dinamikën e ngjarjes dhe për të siguruar të dhëna që mund të çojnë në kapjen e autorit.

Burim: Report Tv
— Redaksia ZHURMA