Goztepe refuzon 6 milionë euro nga Gallatasaraj për Kurtulanin
Klubi turk kërkon 8 milionë euro për lojtarin e lidhur me Kombëtaren shqiptare.
Oferta prej 6 milionë eurosh e Gallatasarajt për Arda Kurtulanin është refuzuar nga Goztepe, i cili kërkon 8 milionë euro. Kurtulan është konsideruar vazhdimisht si pasues i mundshëm i Elseid Hysajt te Kombëtarja e Shqipërisë.
Trajneri Maran e ka kontaktuar lojtarin për ta ftuar, por Goztepe ka qenë pengesë për shkak të rregullit të lojtarëve ekstra komunitarë në Turqi. Kurtulan raportohet se ka arritur një marrëveshje së fundmi me Gallatasarajn.
Megjithatë, çdo gjë ka mbetur në ajër mes klubeve, pasi Goztepe fillimisht synon të nënshkruajë me Husejin Maldar nga Bursaspor. Ditët e ardhshme priten të jenë vendimtare, ndërsa mbetet për t'u parë nëse Kurtulan do të ketë mundësinë për t'u ftuar nga Shqipëria.