Gjykatësi në SHBA refuzon kërkesën për pushimin e çështjes ndaj Lindsay Clancy-t

Një gjykatës në Massachusetts të Shteteve të Bashkuara të Amerikës ka refuzuar kërkesën e ekipit mbrojtës për pushimin e çështjes penale ndaj Lindsay Clancy-t, e cila akuzohet për vrasjen e tre fëmijëve të saj në vitin 2023. Gjykatësi William Sullivan hodhi poshtë argumentin e mbrojtjes se një rigjykim do të shkelte parimin ligjor kundër gjykimit dy herë për të njëjtën vepër penale, duke vlerësuar se procesi i parë u shpall i pavlefshëm për shkak të pamundësisë së 12 anëtarëve të jurisë për të arritur një vendim unanim.

Procesi i parë përfundoi më 4 shtator, pasi juria nuk arriti të binte dakord për fajësinë ose pafajësinë e të pandehurës. Clancy nuk e ka mohuar shkaktimin e vdekjes së fëmijëve, por mbrojtja pretendon se në momentin e ngjarjes ajo vuante nga një formë e rëndë e psikozës pas lindjes, ndërsa prokuroria këmbejngul se vrasjet ishin të qëllimshme. Gjykatësi Sullivan rrëzoi gjithashtu kërkesën për të marrë në pyetje nën betim anëtarin e jurisë që kishte kundërshtuar vendimin.

Gjykata ka caktuar datën 16 nëntor për një seancë dëgjimore ku pritet të diskutohet kalendari i rigjykimit, ndërsa gjykatësi ka përmendur më herët marsin si muajin e mundshëm për nisjen e procesit të dytë.