Gjykata cakton paraburgim prej 30 ditësh për Gani Gecin

Gjykata ka aprovuar kërkesën e Prokurorisë për caktimin e masës së paraburgimit prej 30 ditësh ndaj Gani Gecit, pas seancës gjyqësore të mbajtur lidhur me rastin. Avokati i Gani Gecit, Besnik Berisha, ka deklaruar pas përfundimit të seancës se e gjykojnë këtë vendim si të papërshtatshëm dhe absolutisht të panevojshëm.

Në anën tjetër, avokati Labinot Vata, përfaqësues i gazetarit Lirim Mehmetaj, ka mirëpritur caktimin e paraburgimit, duke vlerësuar se ky vendim kontribuon në mbrojtjen e gazetarit dhe zhvillimin e papenguar të procedurës. Vata ka shprehur shqetësimin për atë që e ka cilësuar si përpjekje për ta detyruar gazetarin të heqë një postim përmes kanosjes, duke përmendur deklarimin që i atribuohet Gani Gecit se «Nëse s’e heq postimin, kemi me u vra».