Zvicra deporton shtetasin e Kosovës pas gati 30 vjetësh qëndrim

Zvicra ka deportuar një shtetas të Kosovës pas një procesi të gjatë ligjor, pasi ai kishte jetuar atje që nga viti 1997. Deportimi u realizua pavarësisht problemeve serioze shëndetësore dhe nevojës së rekomanduar për operacion në zemër. 52-vjeçari ishte larguar nga Zvicra më 19 gusht 2026, ndërsa Gjykata Supreme Federale e Zvicrës refuzoi ankesën e tij kundër paraburgimit administrativ, duke vlerësuar se autoritetet kishin vepruar në përputhje me ligjin.

Burri kishte mbërritur në Zvicër në vitin 1997 për azil dhe më pas kishte siguruar leje qëndrimi në vitin 2000 pas martesës, e cila përfundoi me divorc në vitin 2005. Në shtator të vitit 2019, një gjykatë zvicerane e dënoi me 20 muaj burgim për vepra penale, përfshirë vjedhje të përsëritura, përdorim mashtrues të sistemeve kompjuterike dhe lëndim.