GJKKO jep vendimin për dosjen Revanshi, dënohen 7 të pandehurit

Gjykata e Posaçme ka shpallur vendimin për shtatë të pandehurit e dosjes Revanshi. Sipas vendimit, Durim Bami është dënuar me 10 vite e 8 muaj burgim. Të pandehurit e tjerë të përfshirë në këtë fraksion janë Oltion Zefi, Edison Jozvik, Heneringert Mitri, Jozi Kraja, Aldo Avdyli dhe Altin Morina.

Prokuroria e Posaçme Antikorrupsion kishte kërkuar për këtë grup kriminal mbi 98 vite burg. Në kuadër të kësaj dosjeje u zbardhën 12 ngjarje kriminale që ndodhën, u përgatitën apo që dështuan gjatë vitit 2020 nga grupe kriminale me veprimtari në disa qytete të vendit.